Өнөөдөр нутгийн зүүн хэсгээр, 17-нд баруун зүгийн нутгийн баруун хэсгээр цас орж, маргааш нутгийн баруун хагаст, цаашид ихэнх нутгаар хүйтний эрч суларна.
Маргааш говь, талын нутгаар, нөгөөдөр Алтайн салбар уулс, Арц Богдын өвөр хоолойгоор 12-14 метр секунд салхитай гэж Ус цаг уурын хүрээлэнгээс мэдээллээ. Салхины хурд энэ сарын 17-нд баруун болон говийн нутгийн зарим газраар 18-20 метр секунд хүрч ширүүснэ. Увс нуур болон Дархадын хотгор, Идэр, Тэс, Буянт, Байдраг, Хараа, Ерөө, Орхон, Сэлэнгэ, Туул, Хэрлэн, Халх голын саваар шөнөдөө -39-44 хэм, өдөртөө -28-33 хэм, Хангай, Хөвсгөл, Хэнтийн уулархаг нутгаар шөнөдөө -34-39, өдөртөө -24-29 хэм, Алтайн өвөр говь болон говийн нутгийн баруун хэсгээр шөнөдөө -20-25 хэм, өдөртөө -10-15 хэмийн хүйтэн байна. Бусад нутгаар шөнөдөө -26-31 хэм, өдөртөө -18-23 хэм хүйтэн байх юм.