Цагдаагийн ерөнхий газрын Дотоод хяналт-аюулгүй байдлын газраас энэ оны эхний хагас жилд Завхан, Сэлэнгэ аймгийн цагдаагийн газар, Сүхбаатар дүүрэг дэх цагдаагийн нэгдүгээр хэлтсийн үйл ажиллагаанд төлөвлөгөөт бус, Говь-Алтай, Дорнод, Өмнөговь Сэлэнгэ, аймгийн цагдаагийн газар, хэлтэс, Цагдаагийн ерөнхий газрын Холбооны хэлтсийн санхүүгийн үйл ажиллагаанд төлөвлөгөөт болон төлөвлөгөөт бус шалгалт хийжээ. Дархан-Уул аймгийн цагдаагийн газар болон Цагдаагийн ерөнхий газрын Тусгай ажиллагааны газрын санхүүгийн үйл ажиллагаанд аудит тус тус явуулж илэрсэн зөрчил дутагдлыг арилгах, цаашид зөрчил дутагдлыг дахин гаргахгүй байх чиглэлээр хугацаатай үүрэг, чиглэл, зөвлөмж өгчээ.