Нийслэлийн иргэдийн эрүүл, аюулгүй орчинд амьдрах эрхийг хангах, газар ашиглалтыг сайжруулах, явган хүний зам, талбайн хүрэлцээ, хангамжийг нэмэгдүүлэх, авто замын түгжрэлийг бууруулах зорилтын хүрээнд Нийслэлийн Засаг даргын Газрын зөрчил арилгах А/321 дүгээр захирамж гарсан.

Энэ дагуу Баянгол дүүргийн 27 дугаар хороо, Төмөр замын эмнэлгийн баруун талын нийтийн эзэмшлийн талбайд барьсан 44 гараашийг буулгаж, газар чөлөөллөө.

Чөлөөлсөн талбайд оршин суугчдын хүсэлтийн дагуу явган зам, ногоон байгууламж, тохижилтын ажил хийнэ.