Энэ үеэр ноён Саймон Бартли Монгол Улс Дэлхийн ур чадварын холбооны 69 дэх гишүүн болсон нь чухал ач холбогдолтой болохыг онцлоод, хөдөлмөрийн зах зээл дэх эрэлт хэрэгцээг хангасан ажилчин бэлтгэх нь эдийн засагт давуу тал бий болгоно. Ирэх жил Бразил улсад зохион байгуулагдах Дэлхийн ур чадварын тэмцээнд Монгол Улс мэргэжилтэй ажилтнаа амжилттай оролцуулахын тулд багш нарыг бэлтгэх нь асар чухал гэсэн зөвлөмж өгөв.

 

Харин манай Хөдөлмөрийн яам бие даан байгуулагдан ажиллах болсноор мэргэжилтэй ажилтныг бэлтгэх тогтолцоо шинэ шатанд гарч, хавсарга байдлаар үйл ажиллагаа эрхэлж ирсэн Мэргэжлийн сургалт үйлдвэрлэлийн төвүүд сэргэж, чадвартай мэргэжилтэй ажилтнууд бэлтгэгдэх болсон юм.

 

Өнгөрсөн жил 6000 орчим мэргэжилтэй ажилтан бэлтгэгдсэн бол энэ жил ажил олгогчдын захиалгаар 6500 мэргэжилтэй ажилтан бэлтгэгдэж байна. Онцлоход, мэргэжилтэй ажилтнуудын ур чадварыг дээшлүүлэх зорилгоор Мэргэжлийн сургалт үйлдвэрлэлийн төвийн оюутнуудын дунд “Монгол ур чадвар” тэмцээнийг зохион байгуулж ирсэн нь дэлхийн түвшинд өрсөлдөх хэмжээнд хүргээд байна.