Эл наадамд УИХ-ын дэд дарга З.Энхболд, УИХ-дахь Ардчилсан намын бүлгийн дарга Д.Эрдэнэбат, УИХ-ын гишүүн С.Баярцогт, Ж.Эрдэнэбат, Н.Номтойбаяр нар аймгийн удирдлагуудад албан ёсоор очихоо мэдэгдсэн гэнэ.

 

УИХ-ын гишүүн С.Баярцогтыг Швейцарийн банкин дахь нууц данс илэрсэнтэй нь холбогдуулан 10 гаруй төрийн бус байгууллага нэгдэн хууль бусаар хөрөнгөжсөн байж болзошгүй гэсэн шалтгаанаар шалгуулж эхлэснээр, мань хүн сандарлын байдалтай хэсэг хугацааг өнгөрүүлж байгаа билээ. Тэрээр “Сэлэнгэ түмнийхээ нүүрийг харах эрхгүй” хэмээлдэх олон түмний дургүйцлыг ч үл тоомсорлон нутгаа зорихоор шийдсэн нь басхүү учиртай биз ээ.

 

Ардын хувьсгалын 92 жилийн ойн Үндэсний бөхийн барилдаанд ес давж түрүүлж, аварга цолны болзол хангсан Сэлэнгэ аймгийн Мандал сумын харьяат Улсын аварга Г.Эрхэмбаярыг наадмын сүүлчийн өдрөөс хойш шагналын хур тасралгүй дагаж байгаа гэхэд хэлсдэхгүй.

 

Тухайлбал,Уяачдын баярын үеэр аваргын шинэхэн цолыг  мялааж "Монде" ХХК-ийн зүгээс "Mercedes-Benz G-Class" жип автомашин, "Могул Таун"-д 3 өрөө байрны түлхүүр гардуулан өгсөн билээ. Шинэхэн аваргад баяр хүргэж, цолыг нь мялаах гэсэн найз нөхөд, танилын хүрээнийхэн нь гэртээ ээлж дараалан урьсаар байгаа сурагтай.

 

Ийнхүү С.Баярцогт хайр хүндлэлийн далайд умбан, бяр тэнхээ нь алгандаа багтан ядаж буй шинэхэн аваргын мялаалгын наадамд хүрэлцэн очиж, “Хийморь”-оо нэг сайхан сэргээгээд ирэх аюулын чимээг эрч хүчтэйгээр угтан байлдахаар төлөвлөв бололтой.