Халдварт өвчин судлалын үндэсний төвийн ерөнхий захирлын үүрэг гүйцэтгэгч Ж.Байгалмаа БНСУ-ын Өвчний хяналтын алба болон “Йонсей” их сургуулийн төлөөллийг хүлээн авч уулзаж, хамтын ажиллагааны талаар санал солилцлоо.  

Уулзалтад ХӨСҮТ-ийн эрдэм шинжилгээ судалгаа хариуцсан дэд захирал О.Батбаяр, Нэгдсэн лабораторийн албаны дарга  Б.Бумдэлгэр, Эрдэм шинжилгээ судалгааны албаны дарга Э.Оюунчимэг, Талбарын тархвар судлалын албаны дарга Б.Азжаргал, БНСУ-ын Өвчний хяналтын төвийн Гадаад харилцааны газрын захирал Jin Gwack,  дэд захирал Grace Park , эрдэм шинжилгээ хариуцсан дэд захирал Sang-Eun Lee, “Йонсей” их сургуулийн Халдварт өвчин судлалын тэнхмийн профессор Joon-Sup Yeom, Лабораторид суурилсан судалгааны тэнхмийн профессор Hyukmin Lee болон бусад албаныхан оролцож "Халдварт өвчний хариу арга хэмжээний төсөл"-ийг харилцан хэрэгжүүлэх талаар ярилцсан.


Талууд антибиотик тэсвэржилтийн чиглэлээр үндэсний лабораторийн сүлжээ байгуулах, био аюулгүй байдлын гурван зэрэглэлийн лабораторид ажиллах чиглэлд сургалт явуулах, халдварт өвчний тандалтын системийг боловсронгуй болгохоос гадна дараагийн цар тахалд бэлтгэх хариу арга хэмжээний бэлтгэлийг хангах зэрэг нийгмийн эрүүл мэндийн ноцтой байдлын үед хариу арга хэмжээний чадавхийн сайжруулах чиглэлд хамтран ажиллахаар тогтлоо.