Төрөөс соёлын талаар баримтлах бодлого, Алсын хараа -2050 Монгол Улсын урт хугацааны хөгжлийн бодлогын үндэсний нэгдмэл үнэт зүйлийг бэхжүүлэх зорилт, соёлын хууль  тогтоомжийн хэрэгжилтийг хангах хүрээнд Соёлын яамнаас “Соёлын сэргэлт” аяныг зохион байгуулсан.

”Соёлын сэргэлт” аян нь  Нийслэл Улаанбаатар хот болон  хорин нэгэн аймаг, 330 сум, 15 тосгонд 5, 6, 8, 10 дугаар саруудад зохион байгуулагдаж соёлын төвүүдийг байнгын соёлын үйлчилгээтэй байлгах, иргэдэд хүргэх соёл урлагийн үйлчилгээний хүртээмжийг нэмэгдүүлэх, соёлын салбарын албан хаагчдыг чадавхжуулах, үндэсний нэгдмэл үнэт зүйлийг нэмэгдүүлэхэд чиглэсэн юм.

Соёлын яамтай хамтарч Нийслэлийн иргэдийн төлөөлөгчдийн хурал, Засаг даргын тамгын газар , Засгийн газрын болон орон нутгийн асуудал эрхэлсэн төрийн байгууллага, эрдэмтэд, судлаач,  харьяа соёл урлагийн байгууллагын удирдлага, албан хаагчид, уран бүтээлчид оролцлоо.