Ливийн Бенгази хотын шоронгоос мянга гаруй хоригдол оргож олныг цочроогоод байна. Tэдгээр хоригдлыг оргoход нөлөөлсөн хүчин зүйл нь нутгийн ард иргэд гэлээ. Учир нь тус нутгийн ард иргэд өөрсдийнх нь газар нутаг дээр шорон байгааг эсэргүүцэж, шорон луу дайрсан гэнэ. Харин ийн гарсан үймээнийг далимдуулж хоригдлууд зугтсан ажээ. Ливийн Ерөнхий сайд Али Зайдан хэвлэлийн бага хурал хийж зарим мэдээлэл өглөө. Түүний мэдээлж байгаагаар хоригдлуудын ихэнх нь эрүүгийн гэмт хэрэгтнүүд байгаа гэнэ, мөн тэдний дунд Африк хоригдлууд болон Муамар Каддафын дэглэмтэй хоригдлууд ч байсан гэжээ. Одоогоор цагдаагийн тусгай мэргэжлийн салаа уг хэргийг хариуцан ажиллаж байна.