Үндэсний телевиз
Цагийн хүрд
Найм арваннэг
Сэтгэцийн эрүүл мэндийн үндэсний төв Япон улсын Нагояагийн их сургуулийн Хүний хөгжил, сэтгэлзүйн дэмжлэг, судалгааны төв, АШУҮИС-ийн Сэтгэцийн эрүүл мэндийн тэнхим, Хүүхдийн анагаахын тэнхим, МУБИС-ийн Сэтгэл судлалын тэнхимтэй хамтран зургаан сарын хугацаанд “Хүүхдийн сэтгэцийн эмч бэлтгэх хөтөлбөр”-ийг хэрэгжүүлж байгаа юм.
Хөтөлбөрийн эхний сургалт Японы Нагояагийн их сургуульд энэ оны нэгдүгээр сарын 22-ноос хоёрдугаар сарын 3-ны хооронд боллоо.
Монгол, Японы эрдэмтэн багш нар удирдсан уг сургалтад СЭМҮТ-өөс сэтгэцийн эмч Т.Саранцэцэг, Х.Эрхцэцэг, М.Уянга, Э.Мягмарцэрэн, О.Батчимэг нар хамрагдлаа.
Тэд Нагояагийн их сургуулийн сэтгэлзүйн төв, Айчи мужийн сэтгэцийн эмнэлэг, Кание хотын цэцэрлэг, бага сургуулийн үйл ажиллагаатай танилцан туршлага судалсан байна.
Хөтөлбөрийн хүрээнд зохион байгуулж буй мэргэжил дээшлүүлэх сургалтын үр дүнд хүүхдийн сэтгэцийн эрүүл мэндийн тусламж үйлчилгээг сайжруулах боломж бүрдэнэ гэж үзэж байгаа юм.
Япон улсын Засгийн газраас уг сургалтад сэтгэцийн эмч нарыг олноор нь хамруулахаар төлөвлөж байна.
| СЭМҮТ: Японд хүүхдийн сэтгэцийн эмч бэлтгэх хөтөлбөрт хамрагдлаа | ||
| Үзсэн: 1619 | Mongolian National Broadcaster |
У.Баярсайхан
Т.Болор-Эрдэнэ
Лханаагийн Мөнхтөр
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.