БНХАУ-ын дарга Си Жин Пин манай улсад 2014 оны наймдугаар сарын 21-22-ны хооронд айлчлах гэж байгаатай холбогдуулан цагдаагийн байгууллага нийтийн хэв журам хамгаалах, олон нийтийн аюулгүй байдлыг хангах, гэмт хэрэг, зөрчлөөс урьдчилан сэргийлэх үндсэн үүргийнхээ хүрээнд хэв журмын хамгаалалт зохион байгуулна.

Энэ үеэр Хан-Уул дүүрэг, Сүхбаатар дүүрэг /Төрийн ордны орчим/-ийн нутаг дэвсгэрт тодорхой цагуудад тээврийн хэрэгслийн болон явган зорчигчийн хөдөлгөөнд хязгаарлалт хийгдэх тул иргэд та бүхэн цагдаагийн алба хаагчийн тавьсан хууль ёсны шаардлагыг биелүүлж хөдөлгөөнд соёлтой оролцохыг цагдаагийн байгууллагаас анхааруулж байна.