Зохиолч, сэтгүүлч Галсангийн Болормаа “Түгээмэл ёсны тунгаамал өв” нэртэй Монгол ёс уламжлалын, “Ам цагаан хулгана” нэртэй үлгэрийн ном бичжээ. 

Өнөөдөр “өлгийдөн авсан”  бүтээлийн “Мэнд үг”-ийг зохиогч өөрөө бичсэн байна. Тэрбээр мэндийн үгэндээ "Ухаант өвөг дээдсийнхээ амнаас үнэтэй үг сонсож, үнэн сургаалаар хүмүүжсэн ухааныг ном болгон бүтээж байгаадаа баяртай байна. Би багаасаа эмэг эхийн  дэргэд өсөж, заншил ёсны зах сэжүүрийг олж мэдэрсэн азтай хүн. Улмаар аав, ээж болон нутгийн тулхтай, ухаантай өвгөд минь монгол ёсны аль л эрхэм бүхнийг биеэр үлгэрлэж, дагуулан сургаж байлаа. Ухаан суугаад ирэхийн цагт сэтгүүлч гэдэг эрхэм хүндтэй мэргэжил эзэмшсэнээр газар газрын билиг оюунт хүмүүнтэй уулзан учирч явахдаа энэ л ёсноос оюуныхаа хүрээг тэлж онгод билгээ хөглөж явлаа. Иймд өөрийн судлан мэдсэнээ уншигч таньд толилуулж, гэгээн ухаанд тань нэмэр болгохыг зорьсон юм" хэмээжээ.

Харин номын өмнөтгөлд байх “Баяслын үг”-нд “Өдрөөс өдөрт гээгдэн мартагдаж байгаа үндэсний өв соёл, уламжлалт аж ахуй, ахуй амьдрал, ёс заншлыг сурвалжлан судалж, сурталчлан таниулахад 80 жилийн түүхтэй Монголын Радио ихээхэн чухал үүрэг гүйцэтгэж ирсэн бөгөөд үүний нэг баримт нь сэтгүүлч Галсангийн Болормаагийн хэвлүүлж буй энэ ном болно.