Гэмтэл согог судлалын үндэсний төвөөс нийт ажилтнуудынхаа нийгмийн баталгааг хангах, хүүхдэд ээлтэй байгууллага хамт олныг бий болгох, ахуйн осол гэмтлээс хүүхдийг урьдчилан сэргийлэх зорилгын хүрээнд 2020-оноос эхлэн нийслэлийн 94 дүгээр цэцэрлэгтэй хамтран ажиллаж байгаа. Энэ хүрээнд нийт эмч, эмнэлгийн мэргэжилтэн, ажилтан, албан хаагчийн 80 гаруй хүүхэд тус цэцэрлэгт харьяалал харгалзахгүй хамрагдаж байна.

ЭМЯ-ны 2024 оны 12 сарын 02-ны өдрийн 2/5040 “Аюулгүй байдлын төлөө үгээ хэлцгээе” осол гэмтлээс урьдчилан сэргийлэх арга хэмжээг хэрэгжүүлэх үйл ажиллагааны төлөвлөгөөний хэрэгжилтийг хангах, нийгмийн эрүүл мэндийн боловсрол олгох, дэмжих зорилгоор 94-р цэцэрлэгийн нийт 32 багш, ажилтнуудад сургалт зохион байгуулжээ.

Сургалтаар “Хүүхдийг ахуйн орчны осол гэмтлээс урьдчилан сэргийлье” хүүхдэд аюулгүй ээлтэй орчин бүрдүүлэх, эрүүл мэндийг дэмжигч цэцэрлэг сэдвээр ГССҮТ-ийн НЭМА-ны НЭМ-ийн мэргэжилтэн Д.Энхбаяр, “Хүүхдийг осол гэмтлээс урьдчилан сэргийлэх модуль багц сэдвээр НЭМА-ны НЭМ-ийн мэргэжилтэн О.Адьяабаяр нар  сургалтыг хийсэн байна.