Үндэсний телевиз
Цагийн хүрд
Найм арваннэг
Ховд аймгийн эрүүл мэндийн газраас томуу, томуу төст өвчний мэдээг 7 хоног бүр томуугийн харуулдан тандалтын нэгжүүдээс авч мэдээлж байна.
Өнгөрсөн долоо хоногт буюу 2024 оны 12 дугаар 16-наас 12 дугаар сарын 23-ны хооронд амбулаториор 11519 хүн үйлчлүүлсэн байна. Үүний 7 хувь буюу 801 нь томуу, томуу төст өвчин гэж оношлогджээ.
Энэ нь өмнөх 7 хоногоос 1,5 хувиар их, өмнөх оны мөн үеэс 3,9 хувиар бага бүртгэгдсэн үзүүлэлттэй байна.
Томуугаар өвчлөгсдийн 76,7 хувь, амьсгалын замын хүнд халдварын 83,6 хувийг 0-14 насны хүүхдийн өвчлөл эзэлж байгаа юм.
“Улирлын томуу, томуугийн цар тахлын хүндрэлийн үнэлгээ”-ээр аймгийн хэмжээнд томуу, томуу төст өвчний тархалтын түвшин “Алаг цоог дэгдэлтийн түвшин”-д гэж бүртгэгджээ.
Цаашид хүйтний эрч чангарч, томуугийн өвчлөл нэмэгдэх хандлагатай байгаа тул ханиад томуунаас урьдчилан сэргийлэх зөвлөмж, зөвлөгөөг ахуйдаа мөрдөж, амны хаалтаа тогтмол зүүхийг мэргэжлийн байгууллагаас анхааруулж байна.
| ХОВД: Амбулаториор үйлчлүүлсэн нийт иргэдийн 7 хувь томуу, томуу төст өвчний оноштой байна | ||
| Үзсэн: 437 | Mongolian National Broadcaster |
У.Баярсайхан
Т.Болор-Эрдэнэ
Лханаагийн Мөнхтөр
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.