Үндэсний телевиз
Цагийн хүрд
Найм арваннэг
Уураг тархийг ядрахаас сэргийлдэг биологийн хамгаалалт бол нойр юм.
Нойрны явцад нүд түргэн хөдөлдөг эсэхийг харгалзан удаан нойр, түргэн нойр гэж хуваадаг.
Энэ хоёр нойр шөнийн туршид 4-5 удаа тойрон эргэлддэг идэвхтэй процесс болохыг судлаачид тархины цахилгаан бичлэгийн тусламжтай тогтоожээ.
Энэхүү нүд түргэн хөдлөх үеийн нойр (rapid eye movement sleep) буюу зүүдэн нойрны үед бид зүүдэлдэг учир унтаж байх боловч бие махбод сэрүүн үеийнхтэй ижил идэвхтэй, сэргэг байдаг.
Эрүүл хүн шөнийн нойрны туршид 4-5 удаа зүүдэлдэг байна.
Зүүдэн нойрны тусламжтай бидний бие сэтгэцийн эрч хүч бүрэн сэргээгдэж, нөхөгддөг бөгөөд сэтгэл санааг тайвшруулж, бүтээлч сэтгэхүйг нэмэгдүүлэх үүрэгтэй.
Материалист шинжлэх ухааны үүднээс үзвэл зүүд гэдэг нь унтаж байгаа хүний уураг тархинд гадаад, дотоод орчноос нөлөөлсөн цочруул (мэдээлэл)-ын гажуу тусгал юм.
Зүүдлэх үед ухамсрын хүрээ хязгаарлагдмал байдаг учир хүн тусгаж байгаа зүйлээ бүрэн сэтгэх боломжоо алддаг. Үүнтэй холбоотойгоор мэдрэгдэж байгаа юмс үзэгдэл гажуугаар тусгагддаг. Мөн зүүдэлсэн юмс, үзэгдэл мэдэгдэхүйц тод дүрстэй, хачин сонин байдаг нь ердийн байдлаасаа гажиж дүрслэгдсэний шинж юм.
ЗҮҮДНИЙ ТУХАЙ СОНИРХОЛТОЙ БАРИМТУУД
75 настай хүн өдөрт 8 цаг унтдаг гэж үзвэл амьдралынхаа 25 жилийг унтаж өнгөрөөсөн ба үүний 6 жил нь зүүдэлсэн гэсэн үг юм.
Бид зүүднийхээ 90 хувийг мартдаг. Дөнгөж сэрээд 5 минутын дараа зүүднийхээ талыг мартдаг бол 10 минутын дараа ердөө 10 хувийг л санадаг. Хэрвээ нүд түргэн хөдлөх үеийн нойрноосоо сэрсэн бол та зүүдээ санах магадлал илүү өндөр байдаг.
Насанд хүрсэн хүний бүтэн өдрийн нойрны 20-25 хувийг нүд түргэн хөдлөх үеийн нойр эзэлдэг ба энэ үед амьсгал, судасны цохилт түргэсэх ба нүдний түргэн хөдөлгөөн ажиглагдана.
Зүүдэлдэггүй хүн гэж байхгүй, зүүдээ мартчихсан байдаг.
Унтаж байх үеийн хамгийн эхний зүүд 5 минут үргэлжилдэг бол сэрэхээс өмнө ихэвчлэн тохиолддог хамгийн сүүлийн зүүдэн нойр нь 45-60 минут үргэлжилдэг байна.
Харааны бэрхшээлтэй хүмүүс бусад мэдрэмжээ ашиглан зүүдэлдэг.
Хүмүүсийн 12 хувь нь хар, цагаанаар зүүдэлдэг бол үлдсэн хувь нь өнгөтөөр зүүдэлдэг байна.
Тод зүүд (lucid dream) нь хүн зүүдэлж байгаагаа ухамсарладаг зүүдний нэг үе шат юм. Энэ үед та зүүдээ хянах боломжтой байдаг байна.
Ойролцоогоор нийт хүмүүсийн тал орчим хувь нь дор хаяж нэг удаа тод зүүд зүүдэлдэг.
Эх сурвалж: Улсын Гуравдугаар Төв Эмнэлэг
| Эрүүл хүн шөнийн нойрны туршид 4-5 удаа зүүдэлдэг | ||
| Үзсэн: 1029 | Mongolian National Broadcaster |
У.Баярсайхан
Т.Болор-Эрдэнэ
Лханаагийн Мөнхтөр
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.