1610 онд: Аугаа одон оронч Галилио Галилей Бархасбадь гарагийн Ганимед, Галлисто, Ио, Европа гэх дөрвөн сарыг илрүүлжээ. Гэвч тэр нээснээсээ хойш 2 хоногийн дараа сүүлийн хоёрыг нь сар гэж үзсэн байна.

1782 онд: Америк тивийн анхны арилжааны банк болох Хойд Америкийн банк нээгдэв.

1785 онд: Францын иргэн Жеан-Пьер Бланшар, АНУ-ын иргэн Жон Жеффрис нар Английн Довер хотоос Францын Калай хот хүртэл агаарын бөмбөлгөөр аялжээ.

1797 онд: Итали улсын одоогийн төрийн далбааг албан ёсоор баталж, мандуулж эхлэв.

1894 онд: Францын иргэн Уиллиам Кеннеди Диксон хөдөлгөөнт дүрс /одоогийн кино/-ийн албан ёсны патентыг авчээ.

1927 онд: АНУ-ын Нью-Йорк хотоос Их Британийн нийслэл Лондон хот руу дуудлага хийх анхны телефон үйлчилгээ нээгдэв.

1931 онд: Австралийн нисгэгч Гай Мензэс Австралиас Шинэ Зеланд хүртэл 11 цаг 45 минутын турш зогсолтгүй нислэг үйлдсэн анхны хүн болов.

1935 онд: Италийн Бенито Муссолини, Францын гадаад хэргийн сайд Пьер Лавал нар Итали-Францын гэрээнд гарын үсэг зурав.

1945 онд: Дэлхийн хоёрдугаар дайны үеэр Их Британийн генерал Бернард Монтгомери хэвлэлийн бага хурал зарлаж, Бьелжийн тулаанд ялалт байгуулсанаа мэдэгдэв.

1959 онд: АНУ-ын Засгийн газар Кубын шинэ удирдагч Фидель Кастрог хүлээн зөвшөөрч байжээ.

1979 онд: Вьетнамын цэргийн хүч ПномПень хотод нэвтэрч Камбожийн армийг бүрэн ялав. Ингэснээр Кхмерийн бослогоор гарч ирсэн Пол Потын засаглал нуран унасан юм.

1980 онд: АНУ-ын ерөнхийлөгч Жимми Картер "Крайслер" корпорацад 1,5 тэрбум ам.долларын зээл олгох шийдвэр гаргажээ.

1989 онд: Японы эзэн хаан Хирохитог нас барсны дараа түүний хүү Акихито хаан ширээнд суув. Тэрээр Япон улсын 125 дахь эзэн хаан болсон юм.

1990 онд: Дэлхийн түүхэн дэх хамгийн алдартай ганхмал цамхаг болох Пиза аюулгүй байдлын үүднээс олон нийтээс хаалгаа барьжээ.

2015 онд: Францын нийслэл Парис хотын төвд байдаг Шарли Эбдо сонины редакцад террористууд халдаж, 12 хүн амь эрсдэн, 7 хүн шархаджээ.