Үндэсний телевиз
Цагийн хүрд
Найм арваннэг
Сонгуулийн ерөнхий хорооны дарга П.Дэлгэрнаран, Тамгын газрын дарга Д.Бат-Эрдэнэ нар Монголын сэтгүүлчдийн нэгдсэн эвлэлийн ерөнхийлөгч Ө.Отгонбаатар, зөвлөх Д.Сайнбаяр нарыг хүлээн авч уулзлаа.
Сонгууль зохион байгуулах чиглэлээр олон нийтийг мэдээллээр хангах, сонгуулийн боловсрол олгох болон энэ чиглэлээр сэтгүүлчдийг чадавхжуулах, сонгуулийн хууль, тогтоомжийг сурталчлан таниулахад хамтран ажиллахаар ярилцав.
Сонгогчид мэдээллийн эх сурвалжаа нягтлах, хуурамч мэдээллийг таних зэрэг сонгуулийн боловсрол олгоход хамтран ажиллах боломжтойгоо Монголын сэтгүүлчдийн нэгдсэн эвлэлийн ерөнхийлөгч Ө.Отгонбаатар илэрхийллээ. Түүнчлэн Монголын сэтгүүлчдийн нэгдсэн эвлэлийн нийслэл, 21 аймгийн 24 салбар зөвлөлийн зургаан мянга гаруй сэтгүүлчдийг чадавхжуулах, сонгуулийн хууль тогтоомжийг сурталчлах сургалт зохион байгуулахад хамтран ажиллах хүсэлтэй байгаагаа илэрхийллээ.
Дээрх чиглэлээр хамтын ажиллагааны төлөвлөгөө гаргаж, хэрэгжүүлэхээр талууд тохиролцов.
| Сонгуулийн боловсрол олгох, сэтгүүлчдийг чадавхжуулах чиглэлээр хамтран ажиллана | ||
| Үзсэн: 360 | Mongolian National Broadcaster |
У.Баярсайхан
Т.Болор-Эрдэнэ
Лханаагийн Мөнхтөр
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.