2025 оны 01 дүгээр сарын 24-ний 08 цагаас 01 дүгээр сарын 25-ны 08 цаг хүртэлх

цаг агаарын тойм

Цасны зузаан: Өнөө өглөөний цаг уурын станц, харуулын цасны зузааны мэдээгээр баруун болон төвийн аймгуудын ихэнх нутаг, зүүн аймгуудын нутгийн баруун болон өмнөд хэсэг, говийн аймгуудын нутгийн зарим газраар 0.0-25.0 см цасан бүрхүүл тогтсоноос хамгийн их нь Сэлэнгийн Бугантад 25.0 см, Баянхонгорын Гурванбулагт 20.0 см, Завханы Цагаанчулуут 18.0 см, Увсын Улаангом, Хяргас, Завханы Тэс, Түдэвтэй, Сонгино, Баянхайрханд 16.0-17.0 см, бусад хэсгээр 0.0-15.0 см зузаан цасан бүрхүүл тогтсон байна.

Хур тунадас: Өнгөрсөн хоногт баруун аймгуудын нутгийн зүүн, зүүн аймгуудын нутгийн баруун хэсэг, төв болон говийн аймгуудын ихэнх нутгаар 0.0-5.0 мм цас орсон байна. Үүнээс хамгийн их нь Дорноговийн Иххэтэд 5.0 мм, Хэнтийн Дэлгэрхаан, Оргил, Цэнхэрмандалд 4.0 мм цас орсон байна. Бусад нутгаар 0.0-3.0 мм цас орсон байна. 

 Агаарын хамгийн их температур: Өчигдөр өдөр Монгол-Алтайн уулархаг нутаг, Увс нуурын хотгор, Тэс голын хөндийгөөр 20-27 хэм, Их нуурууд болон Дархадын хотгор, Завхан голын эх, Идэр, Байдраг голын хөндийгөөр 13-19 хэм хүйтэн, говийн бүс нутгийн зүүн өмнөд хэсэг, Дорнодын тал нутгаар 0-7 хэм дулаан, Хангайн нурууны өвөр бэл, говийн бүс нутгийн баруун өмнөд болон хойд хэсэг, Дарьгангын тал нутаг болон цас багатай энгэр газраар 1-6 хэм, бусад нутгаар 7-12 хэм хүйтэн байв.

Агаарын хамгийн бага температур: Шөнөдөө Увс нуур болон Дархадын хотгор, Завхан голын эх, Тэс, Байдраг голын хөндийгөөр 37-42 хэм, Их нууруудын хотгор, Монгол-Алтай, Хөвсгөлийн уулархаг нутаг, Хүрэнбэлчир орчим, Идэр голын хөндийгөөр 30-35 хэм, Хангай, Хэнтийн уулархаг нутаг, Эг-Үүр, Халх голын хөндийгөөр 22-27 хэм, говийн бүс нутгийн зүүн өмнөд хэсэг, Дорнод-Дарьгангын тал нутгаар 7-12 хэм, бусад нутгаар 13-18 хэм хүйтэн хонов.

Cалхи: Өнгөрсөн хоногт ихэнх нутгаар секундэд 4-9 метр, Алтайн салбар уулс, Арц богдын өвөр хоолой, говийн бүс нутгаар секундэд 10-16 метр, зарим үед секундэд 20-22 метр хүрч ширүүссэн байна.

Улаанбаатар хот орчмоор: Өнгөрсөн хоногт цас ороогүй. Салхи баруун өмнөөс хойш эргэж секундэд 4-9 метр. Өчигдөр өдөр 4-6 хэм, өнгөрсөн шөнө 13-15 хэм хүйтэн хоносон байна.