Үндэсний телевиз
Цагийн хүрд
Найм арваннэг
“Инчон-2014” Азийн спортын наадам өнөөдөр зургаа дахь өдрөө үргэлжилж байна. Тэмцээний таван өдрийн дараах байдлаар манай улсын баг тамирчид 12 медаль хүртсэн амжилтаар медалийн чансаагаар VI байрт бичигдэж байсан. Харин өнөөдөр 50 метрийн хэвтээ байдлаас 60 сум буудах эмэгтэйчүүдийн дасгалд ОУХМ Чулуунбадрахын Нарантуяа 624.1 оноогоор алтан медаль хүртэж медалийн тоог нэгээр нэмлээ.
Тэрээр буудлагын тамирчдаас тивийн наадмын аварга болсон анхны тамирчин болж улсынхаа рекордыг шинэчлэн тогтоов. Буудлагын шинэхэн аваргыг Б.Бат-Эрдэнэ аварга мөнгөн аягатай сүү барин угтлаа. Тэрээр энэ удаагийн Азийн наадмын баг тамирчдыг ахлаж явсан юм.
Дархан аварга төрийнхөө их баяр наадамд 12 удаа түрүүлсэн тоогоо билэгшээж 12 мөнгөн аяга, цэнхэр хадгийг авч явжээ. Өмнө нь түүний гараас Д.Төмөрхүлэг, М.Уранцэцэг, Н.Түвшинбаяр нар мөнгөн аягатай сүү гардан авч байсан бол энэ удаад буудлагын шинэхэн аварга энэхүү ховор боломжийг хүртсэн юм.
| Дархан аварга сүүгээр мялаан угтлаа | ||
| Үзсэн: 1914 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.