Дэлхийн нүүдэлчдийн наадмыг Киргиз, Казахстан, ОХУ, Туркмен, Турк зэрэг таван улс харилцан зөвшилцөж, Олон улсын олимпийн хорооноос улс орнуудын үндэсний спортын төрлүүдийг дэмжих санаачилгын хүрээнд энэ сарын 8-15-ны өдрүүдэд Киргиз улсын Чолпон-Ата хотод зохион байгууллаа. 

Тус наадмыг санаачилсан орнууд цаашид энэхүү наадмыг жил бүр өөр өөр оронд зохион байгуулж тухайн улсын үндэсний спортыг дэлхийд сурталчлан болсон байна. Киргиз улсын Чолпан-Ата хотноо буюу Иссыккөл нуурын эрэгт болсон Нүүдэлчдийн дэлхийн анхдугаар их наадамд Монгол Улсын баг тамирчид 12 хүний бүрэлдэхүүнтэй /бөхийн долоон тамирчин, жороо, хурдан морины гурван тамирчин, хөлөгт тоглоомын хоёр тамирчин/ тус наадамд оролцсон юм. Манай баг тамирчид тус наадмаас бөхийн төрлүүдээр медаль хүртсэн байна.

Үүнд:

Киргиз бөхийн төрөлд:
-55 кг жинд “Женко” клубын тамирчин СМ П.Алтанбагана хүрэл медаль
-66 кг жинд МУБИС-ийн оюутан СМ Д.Гансүх хүрэл медаль
-74 кг жинд Боржигон дэвжээний СМ С.Тэмүүлэн хүрэл медаль

“Алыш” Бүстэй барилдааны төрөлд:
+100 кг жинд “Женко” клубын тамирчин ОУХМБ.Сугаржаргал хүрэл медаль

Казак күрес төрөлд:

-70 кг жинд Хонгор дэвжээний СМ Б.Эрхбаяр мөнгөн медаль
-80 кг жинд Боржигон дэвжээний СМ С.Тэмүүлэн хүрэл медаль
-+90кг жинд Женкоклубын тамирчин ОУХМБ. Сугаржаргал хүрэл медаль

Үнэмлэхүй жинд

-“Женко” клубын тамирчин ОУХМБ. Сугаржаргал Алтан медаль тус тус хүртлээ.
Тус наадамд оролцсон Монгол Улсын баг тамирчид нийт нэг алт, нэг мөнгө, зургаан хүрэл медаль хүртсэн амжилт үзүүллээ.