Улаан буудай импортлохгүй

Шуурхай:

Улаан буудай импортлохгүй

2014-10-10 11:12:06

Үйлдвэр хөдөө аж ахуйн яамны зүгээс улаан буудайн асуудлаар гурилын үйлдвэрлэл эрхлэгчид, тариаланчдын дунд үүсээд байсан маргааныг зохистой аргаар шийдвэрлэх зорилгоор улаан буудайн импортыг хүчингүй болгосноо зарлалаа. Тодруулбал, салбарын яамнаас нэр бүхий нэг спиртийн үйлдвэр, дөрвөн гурилын үйлдвэрт нийт 49 мянган тонн улаан буудай импортлох эрхийг олгоод байсан юм.

Уг шийдвэрийг гурилын үйлдвэрүүд дотоодын тариаланчдаас улаан буудай авахгүйд хүргэж байна гэж Үр тариа эрхлэгчдийн холбооноос шүүмжилж, улмаар дотоодын улаан буудайн цавуулаг багассан учраас чанартай гурил гаргахын тулд импортоор цавуулаг өндөр улаан буудай авч холих шаардлагатай болсон талаар гурилын үйлдвэрийн удирдлагууд учирлаж байсан.

Тэгвэл үүссэн нөхцөл байдлыг харгалзан үзээд Үйлдвэр, хөдөө аж ахуйн яам, гурилын үйлдвэрүүд, Үр тариа эрхлэгчдийн холбооны албаны төлөөлөл нэг ширээний ард суун зөвшилцөлд хүрч, улаан буудай импортлох зөвшөөрөл олгосноос тодорхой хэмжээгээр хасч, хүчингүй болгожээ.

Шийдвэрийг дор бүрэн эхээр нь нийтлэлээ.

-Үйлдвэр, хөдөө аж ахуйн яамны Төрийн нарийн бичгийн даргын 2014 оны долдугаар сарын 16-ны өдрийн А/281 дүгээр тушаалын 4 дүгээр хавсралтаар 2014 оны хоёрдугаар хагас жилд улаанбуудайн гурил импортлох зөвшөөрөл авсан “Өег” ХХК, “Алейск Импэкс” ХХК-ийн нэгдүгээр зэргийн гурилын импортын квотоос 2014 оны долдугаар сарын 16-ны өдрөөс 10 дугаар сарын 09-ний өдрийн хооронд төлбөр хийсэн болон ачуулсан гурилын хэмжээг хасаад үлдэж буй квотоос тус бүр 500 тонныг үлдээж, илүү гарсан нэгдүгээр зэргийн гурилын квотын зөвшөөрлийг хүчингүй болгох,

-Үйлдвэр, хөдөө аж ахуйн яамны Төрийн нарийн бичгийн даргын 2014 оны долдугаар сарын 16-ны өдрийн А/281 дүгээр тушаалын 3 дугаар хавсралтаар зөвшөөрөл авсан “Милл хаус” ХХК –ний 10 000 тоннн уг компаниас албан бичиг авсны дагуу “Эрдэнэт фүүдс” ХХК-ний 10 000 тонн хүнсний улаанбуудайн импортын зөвшөөрлийг хүчингүй болгох,

-Үйлдвэр, хөдөө аж ахуйн яамны Төрийн нарийн бичгийн даргын 2014 оны есдүгээр сарын 05-ны өдрийн А/330 дугаар тушаалын 1 дүгээр хавсралтаар зөвшөөрөл авсан “Од групп” ХХК-ны 10 000 тонн, “Хангайн миллс ХХК-ний 10 000 тонн, АПУ ХК-ний 10 000 тонн “Сайхан хүнс” ХХК-ний 9 000 тонн улаан буудайн импортийн квотыг уг компаниудаас авсан албан бичгийг үндэслэн, “Улаанбаатар гурил” ХХК-ний 10 000 тонн улаан буудайнаас 3 000 тоннын хүнсний улаанбуудайн импортын зөвшөөрлийг хүчингүй болгох,

-2014 оны аравдугаар сарын 9-ний өдрөөс өмнө хүнсний улаанбуулайн импортлохоор гэрээ хийн төлбөр төлж, ачилт хийгдсэн “Улаанбаатар гурил” ХХК-ний 7 000 тонн улаан буудай тус аж ахуйн нэгжийн Дархан-Уул аймаг дахь гурилын үйлдвэрийн агуулахад хадгалж, битүүмжлэн 2014 оны арванхоёрдугаар сарын 1-ний өдрөөс 3000 онн, 2015 оны хоёрдугаар сарын 15-ны өдрөөс үлдэгдэл 4 000 тонныг “Улаанбаатар гурил” компанид битүүмжлэлийг цуцалж шилжүүлэх,

-2014 оны аравдугаар сарын 10-ны байдлаар тариалан бүхий аж ахуйн нэгжүүдийн борлогдоогүй буудайн тоо хэмжээ, чанарыг мэргэжлийн байгууллагаар тодорхойлуулж мэдээллийг энэ сарын 20-ны өдрийн дотор Үйлдвэр, хөдөө аж ахуйн яаманд ирүүлэхийг Үр тариа эрхлэгчдийн Газар тариалан холбоо хариуцан хийж гүйцэтгэхийг тус тус даалгаж, зөвшилцөлд хүрсэн байна.

Нийтэлсэн: Ж.Мядагбадам

	Улаан буудай импортлохгүй
Үзсэн: 2503	Mongolian National Broadcaster

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.

103.10.22.xxx [103.10.22.xxx] 2014-10-12 00:40

Harin esregeeree buudai guriliig importloh yum bol ene gazar tarialangiin shunaltanguud unee ternees buulgana tegeed importlogch nar ursulduj buulgaad ashiggui bol ugaasaa oruulj irehgui shuude.Manaid zasag tur ni demjeed importiig zogsoogood undesnii uildverlegch nariig demjiheer ted monopol erh togtooj duriin unee helj nemdeg iimd ursulduunuuruu yavag ali ch uls importlogchtoi shuudee. Uildverlel gazar tarialang ni demjlee unee nemeed baival zaaval uildverlej iluu unetei yumiig ni ard tumen ideh albagui ali hyamdiig ni songono.oros guril Altantariagaas hyamd baiga shuude. Adilhan uildverleed uchnuun teevriin zardal gargaad hyamd baihad ed nar hudlaa ugsej unee nemeh geed baihad Magnai dargiin albuud haaguur yavnaa. Bidend hyamd guril budaa heregtei

0 0 Хариулах