Орхон аймагт “Ээжүүдийн клуб” байгуулагдан үйл ажиллагаагаа эхэллээ. Уг клубыг тус аймаг дахь “Дэлхийн зөн” олон улсын байгууллагын салбар 21 сая төгрөгөөр санхүүжүүлж дэмжлэг үзүүлэв.
Мөн өрхийн 12 эмнэлэгт гарын авалга, хүүхдийн өлгий, савны иж бүрдэл, тоглоом зэрэг ээжүүдэд өгөх сургалтанд зориулсан зүйлүүдийн бэлэглэсэн байна. “Ээжүүдийн клуб” жирэмсэн, нярай хүүхдэдтэй эхчүүдэд хүүхдээ хэрхэн асрах талаар мэргэжлийн зөвлөгөөс өгөхөөс гадна тэжээллэг хоолыг гэрийн нөхцөлд яаж хийхийг сургах юм байна. Ийнхүү 20 гаруй жилийн өмнө сум бүрт байсан  “Төрөхийн өмнөх байр”  шинэ хэлбэрээр байгуулагджээ. “Ээжүүдийн клуб” хэмээх буянтай газрыг  аймгийн Эрүүл мэндийн газар, Нэгдсэн эмнэлэг, “Дэлхийн зөн” байгууллага хамтран бий болгосон байна.