М.Сугараа

Нутаг нутгийн иргэд бусад аймаг мужийнхныхаа талаар ямар бодолтой байдгаа бичиж, өнгө будгаар ялган дотоод бодлоо илэрхийлдэг цахим газрын зураг Хятадад моодонд оржээ. Жишээ нь Шанхайн иргэд бусдынхаа талаар ямар бодолтой байдгаа илэрхийлсэн газрын зургийг сонирхьё. Шанхайгаа тэд гэр гэж нэрлээд, хөрш Цзяньсүг “ховдгууд”, Өвөрмонгол, Түвдийг “танигдаагүй ертөнц, хоосон талбай”, Хонконгийг “Шинэ жилийн хямрал” хэмээн нэрлэсэн байна. Сиань орчмын нутгийг “Залилангийн багш нар”, Зүүн Хойд бүсийг “Дээрэмчдийн нутаг”, Уйгарыг “хулгайч” хэмээжээ.
Харин Бээжингийн иргэд Шанхайг “Аймхай хулчгар” гээд Өвөрмонголыг “Морьтнууд”, Юньнань мужийг “Хар тамхины наймаачид”, Шеньсиг “Зэвсэгт дээрэмчид” хэмээн нэрлэжээ.