Байгаль орчны  чиглэлээр бичиж туурвидаг “Ногоон дэлхий” клубийн сэтгүүлчид  өнөөдөр  өнгөрсөн оны  шилдэг нийтлэлүүдээ шалгаруулжээ. Хэвлэлийн хүрээлэнгийн дэргэдэх  “Ногоон  дэлхий” клубийн  үйл  ажиллагааг БОАЖЯ, Дэлхийн  байгаль хамгаалах  сан, Швейцарийн хөгжлийн  агентлаг, НҮБ-ын хөгжлийн хөтөлбөр  зэрэг төрийн болон  төрийн бус байгууллагууд  дэмжиж ажилладаг. “Ногоон дэлхий” клубийн 2009 оны  шилдэг бүтээлийн уралдааны тэргүүн байрыг “Улстөрийн тойм” сонины хариуцлагатай нарийн бичгийн дарга Б.Цогзаяабаатар “Цөл  үйлдвэрлэгч мал” нийтлэлээрээ, хоёрдугаар байрыг “Зууны мэдээ” сонины Улс төр мэдээллийн албаны дарга Ө.Батхүү “Долоон  донголын дундахыг самарч, уулс уйлж байна” сурвалжлагаараа, гуравдугаар байрын шагналыг  “Үнэн” сонины  сурвалжлагч Д.Элбэрэлт “Эзэнтэй ба  эзэнгүй ус” нийтлэлээрээ хүртсэн байна. Харин тусгай  байрын шагналыг “NTV” телевизийн  сэтгүүлч Б.Мөнхтуяа “Цөлжилт” нэвтрүүлгээрээ авчээ.