Албан үүргээ гүйцэтгэн, шүхрээр газардах дадлага сургуулилт хийж байсан шүхэрчин залуу харамсалтайгаар амь эрсэдсэн явдал өнгөрсөн зун гарсан. Байгууллагынхаа тэргүүний албан хаагч Г.Норовсамбуу агсны гэгээн дурсгалд зориулж, хамт олон нь түүний нэрэмжит танхим нээжээ.
Уг танхимыг ОБЕГ-ын эх үндсийг тавихад хувь нэмрээ оруулсан хурандаа генерал С.Равдангийн үр хүүхдүүд санаачлан, тус газрын Аврах тусгай ангийнхантай хамтран байгуулсан байна.