Хойд туйлын мөс эрчимтэй багассаар байгаа нь Ази болон Европт урьд жилүүдээс хоёр дахин ширүүн өвөл болоход нөлөөлнө гэдгийг Японы эрдэмтэд тогтоожээ. Тодруулбал, Хойд туйл, Баренц болон Карын тэнгис дэх мөс хайлж эхэлсэн нь туйлын хүйтэн агаарын урсгалыг хоёр дахин нэмэгдүүлсэн болохыг Токиогийн их сургуулийн эрдэмтэд тогтоосон байна. Энэ нь агаарын дундаж хэм нэмэгдэх нь зарим газар цаг агаарын байдал хүйтрэх, зарим бүсэд улирлын шинж чанар өөрчлөгдөхөд нөлөөлнө гэж үзэж байсан АНУ-ын эрдэмтдийн таамагтай нийцжээ.

НҮБ-ын цаг уурын өөрчлөлтийн асуудал хариуцсан Засгийн газар хоорондын 2000 гаруй мэргэжилтнүүд энэ долоо хоногт Копенхаген хотноо чуулна. Тус чуулганаар баталсан цаг агаарын өөрчлөлтийн тайлан нь ирэх 12 дугаар сард Перу хотноо зохион байгуулагдах 190 улсын хурлын ерөнхий чиглэл болох ёстой юм.