Үндэсний телевиз
Цагийн хүрд
Найм арваннэг
Германчууд Берлинийг ханыг нураасны 25 жилийн ойг тэмдэглэн өнгөрүүллээ. Канцлер Ангела Меркель болон бусад албаны хүмүүс коммунист зүүн Германд амь үрэгдсэн хүмүүсийн дурсгалыг хүндэтгэх ёслолд оролцож, ханын үлдсэн хэсэгт цэцэг өргөсөн байна. Үүний дараа Меркель олон нийтэд хандан хэлсэн үгэндээ Берлиний ханаас болж зовж зүдэрсэн Германчууд төдийгүй бусад Европчуудыг санан дурсах нь зүйтэй хэмээн онцолжээ. Европын хамгийн том эдийн засагтай улсын засгийн газрын тэргүүнээр 2005 оноос хойш тасралтгүй ажиллаж буй тэрээр өөрөө зүүн Германд өссөн аж.
Берлиний ханыг иргэд зүүн Германаас баруун Герман руу дайжиж буйг зогсоох зорилгоор 1961 онд босгосон түүхтэй. Харин 38 жилийн дараа буюу 1989 онд тус ханыг нураасан нь Хүйтэн Дайн өндөрлөснийг илтгэсэн тод томруун бэлгэ тэмдэг болж хувирчээ. Хана 155 км урттай байсан ч өнөөдөр үүний 3 км орчим үргэлжилсэн хэсэг л байдаг байна. Дэлхийн 2-р дайнд ялагдсаныхаа дараа 2 хуваагдаад байсан Герман Берлиний ханыг нурааснаас хойш жилийн дотор эргэн нэгдсэн юм.
РАЛЬДИЙ.А /shuum.mn/
| Берлиний ханыг нураасны 25 жилийн ой тохиов | ||
| Үзсэн: 1746 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.