Буудлагын гавьяат дасгалжуулагч Л.Ундралбат Өвөр Монголоос эргэж ирсэн даруйд өнийн хүслээ биелүүлэхээр өдөр шөнөгүй зүтгэж байна. Түүний шавь тив, дэлхий, олимпийн наадмаас алт, мөнгө, хүрэл медаль хүртэж хүсэл нь биелсэн боловч аварга төрүүлэх өндөр зорилготой Ундраа багш Цэргийн их сургуулийн хашаанд орчин үеийн жишигт нийцэх буудлагын газар (Shooting Range) байгуулж байна. Монголдоо анх удаа өндөр зэрэглэлд тооцогдох “Shooting Range” энэ сардаа ашиглалтад орох бөгөөд “У” дасгалжуулагчийн “нүүр-бизнес”-ийн хүчээр 30 сая гаруй төгрөгийн өртгөөр босох гэж байна. “Аварга” буудлагын газраас олон аварга төрөх болтугай!