Өнгөрсөн оны арваннэгдүгээр сард найз охиноо хэрцгийгээр зодож, амь насанд нь хүрсэн гэх 33 настай Г.Алтанхүүд холбогдох хэргийн шүүх хурал өмнө нь хоёр удаа болсон. Гэтэл хэргийг нэмж тодруулах зүйл бий гэсэн үндэслэлээр нэмэлт мөрдөн байцаалтад буцаагаад байсан юм. Тэгвэл Г.Алтанхүүд холбогдох хэргийн ээлжит шүүх хурал өнөө өглөө 10.00 цагт Дүүргийн Эрүүгийн хэргийн анхан шатны нэгдүгээр шүүхэд эхэлсэн.  Шүүх хуралдаан таван цагийн туршид үргэлжилж шүүхээс хэргийг нэмэлт шинжилгээнд буцааж, 14 хоногийн хугацаатай хойшлууллаа. Сэжигтэн Г.Алтанхүүд Эрүүгийн хуулийн тусгай ангийн 91.1 болон 98.1 дүгээр зүйлээр шүүж байгаа юм.
91.1.Энэ хуулийн хүнийг санаатай алсан бол арваас дээш арван таван жил хүртэл хугацаагаар хорих ял шийтгэнэ. Хэрэв үүн дээр 91.2-т заасан хүндрүүлэх нөхцөл байдал нэмэгдвэл арван таваас дээш хорин таван жил хүртэл хугацаагаар хорих, эсхүл цаазаар авах ял шийтгэнэ хэмээн заасан байдаг аж.
98.1.Бусдын бие махбодид удаан хугацаагаар эрүүл мэндийг нь сарниулсан буюу хөдөлмөрийн чадварын гуравны нэгээс дээшгүйг алдагдуулсан гэмтэл санаатай учруулсан бол хоёр зуун тавин нэгээс дөрвөн зуун тавин цаг хүртэл хугацаагаар албадан ажил хийлгэх, эсхүл гурван жил хүртэл хугацаагаар хорих ял шийтгэнэ.