Үндэсний телевиз
Цагийн хүрд
Найм арваннэг
УИХ-ын гишүүн Ч.Сайханбилэгийг Монгол Улсын Ерөнхий сайдад нэр дэвшүүлэх саналыг Ардчилсан намын ҮЗХ-оос гаргаж үүнийг нь УИХ дахь АН-ын бүлэг дэмжсэн. Хуулийн дагуу Засгийн газрын тэргүүнд томилох гишүүнийг Ерөнхийлөгч соёрхож өчигдөр УИХ-д өргөн мэдүүлсэн юм. Үүний дараа өчигдөр үдээс хойш Төрийн байгуулалтын байнгын хороо хуралдаж Ч.Сайханбилэгийг Ерөнхий сайдад томилохыг 100 хувь дэмжсэн.
Харин өнөөдөр ийнхүү УИХ-ын нэгдсэн чуулган хуралдаж Ерөнхий сайдад томилох асуудлыг хэлэлцэж 95 хувийн саналаар Чимэдийн Сайханбилэгийг дэмжлээ.
Монгол Улсын 28 дах Ерөнхий сайд Ч.Сайханбилэгийн намтрыг хүргэе.
1. Монгол Улсын Их Хурлын гишүүн
2. Төгссөн сургууль, мэргэжил
Нийслэлийн 10 жилийн 45 дугаар дунд сургуулийг 1986 онд төгссөн.
ОХУ-ын Москва хотын Хүмүүнлэгийн их сургууль Түүхийн багш мэргэжлээр 1991 онд төгссөн.
Монгол Улсын Их Сургууль Хуульч мэргэжлээр 1995 онд суралцаж төгссөн.
АНУ-ын Вашингтон хотын Жорж Вашингтоны их сургуулийг 2002 онд тус тус төгссөн.
3.Эрдмийн зэрэг, цол
Хууль зүйн ухааны магистр
4.Ажилласан байдал
1991 онд Монголын залуучуудын холбоонд ажилтан
1992 - 1997 онд Монголын залуучуудын холбоонд Нарийн бичгийн дарга
1996 - 2000 ондМонгол Улсын Их Хурлын гишүүн
1997 - 2002 онд Монголын залуучуудын холбооны Ерөнхийлөгч
1998 - 1999 онд Монгол Улсын Засгийн газрын гишүүн, Гэгээрлийн сайд
2002 - 2004 онд Хууль зүйн Е&Т товчооны захирал
2004 - 2008 онд Мэдээлэл, харилцаа холбоо, технологийн газрын дарга
2004 онд Монгол Улсын Засгийн газрын Хэвлэл мэдээллийн албаны дарга
2008 - 2012 онд Монгол Улсын Их Хурал дахь Ардчилсан намын бүлгийн дарга
2008 - 2012 ондМонгол Улсын Их Хурлын гишүүн
2012 оноос Монгол Улсын Их Хурлын гишүүн
2012 оноос Монгол Улсын Засгийн газрын гишүүн, Монгол Улсын сайд, Засгийн газрын Хэрэг эрхлэх газрын дарга
5.Шагнал, урамшуулал
2005 онд Засгийн газрын хүндэт өргөмжлөл
2006 онд Алтангадас одон
2011 Хөдөлмөрийн гавьяаны улаан тугийн одон
6.Гадаад хэл
Англи, орос
| Шуурхай мэдээ: Монгол Улсын 28 дахь Ерөнхий сайдаар Ч.Сайханбилэг томилогдлоо | ||
| Үзсэн: 2364 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.