Баянзүрх дүүргийн 26 дугаар хорооны нутаг дэвсгэрт буюу Үндэсний цэцэрлэгт хүрээлэнгийн ар талын "True L" хотхоны 16 давхраас 40 орчим насны эмэгтэй үсэрч амиа хорложээ. Яг одоо хэргийн газар дээр дүүргийн цагдаагийн хэлтсээс шалгалт, шинжилгээ хийж байгаа гэнэ. Энэ талаар тодорхой мэдээллийг маргааш олон нийтэд мэдээлэх бөгөөд эх сурвалжуудын ярьж буйгаар энэ хэрэг "True L" хотхоны 716 дугаар байрны 16 давхарт болсон аж. Харин хүн амиа алдсан гэх дуудлагын дагуу 11:17 цагт Онцгой байдлын аврах шуурхай ангийнхан очиход 35-40 орчим насны эмэгтэй аль хэдийнэ амьсгал хураасан байжээ.

Хэргийн газраас авсан мэдээлэл болон оршин суугчдын ярьснаар хохирогч эмэгтэй ганцаараа амьдардаг байсан гэнэ. Одоогоор түүний ар гэрийнхэн гэх хүмүүс холбогдоогүй байгаа бөгөөд камерын бичлэгээс харахад эмэгтэй лифтэнд суун, 16 давхарт гарсан байна.