МУСТА, дуучин Б.Энхбаярыг нэгэн үеийн халхын сайхан эр Юндэнгийн дүрээр нь Монголын ард түмэн андахгүй. Тэгвэл дуучин маань 20 мянган хүүхдэд өвлийн өвгөн аавын бэлэг авч өгөх аяныг эхлүүлээд байна. Тэрбээр “Хүүхэд ирээдүйн эзэд” Төрийн бус байгууллагын тэргүүнээр ажилладаг бөгөөд тус байгууллагаараа дамжуулан нийгмийн эмзэг бүлгийн хүүхдүүдэд туслах олон ажил өрнүүлдэг аж.

Энэ удаад шинэ жилийн босгон дээр Улаанбаатар паласт оддын нэгдсэн “Гала” тоглолтыг энэ сарын 11-17 хүртэл долоо хоног хийж, олсон орлогоороо хүүхдүүдэд бэлэг өгөхөөр болжээ. Тоглолтод урлаг соёлын алдартнууд, хамтлаг дуучид гээд 30 гаруй уран бүтээлч оролцох юм.