Хүн гэгч сэтгэлийн амьтан. Ээжийгээ санахаар Гандан ороод сүсэглэчихэд сэтгэл өег болж, ариусдаг билээ. Ганданг зорих бүртээ үүдэнд нь зогсох эгчээс будаа авч тагтаа хооллоно. Буян үйлдэж байгаа минь тэр. Энд хүн элбэг, үргэлж л хөл хөдөлгөөнтэй байх. Цатгалан тагтаа нар тэр бүр хүнийг биедээ ойртуулахгүй. Харин алган дээрээс минь ирж будаа тоншвол том аз байлаа. Харин одоо Гандангийн тагтаанууд будаа байтугай хүн идэх шахдаг болжээ. Гандангийн хаалгаар оронгуут л ямар нэг муу зүйл, бүр дайн эхэлж буй мэт анхааруулга, сэрэмжлүүлэг сонсогдоно. Үүгээр явж өнгөрөх бүгдэд МУСГЗ нэвтрүүлэгч Г.Чулаанбатын уншсан сэрэмжлүүлэг чихэнд нь хоногшсон гэхэд хилсдэхгүй л болов уу. “Нийт ард иргэдийн анхааралд: Та бүхнээс тагтаа хооллохгүй байхыг хүсье. Тагтаа нь хийдийн ойр орчимдолноор цуглаж, сангас, үс ноосоо их хэмжээгээр хаясан байдаг нь нийслэлчүүдийн эрүүл мэндэд сөргөөр нөлөөлж байна. Тагтаанд амьтнаас хүнд халдварлах элдэв төрлийн бичил орчны нян, вирус, бактер байдаг” гэгчлэн “ухуулна”.