Өмнөд Калифорни дахь гал сөнөөгчид шинэ жилийн амралтын өдрүүдэд ер бусын олон дуудлагад дарагджээ. Түүний нэг нь экс найз залуугийнхаа байшингийн яндангаар орох гэж байгаад гацсан нүцгэн хүүхнийг аврах ажиллагаа байв. Калифорни мужийн гал сөнөөгчдийн ярьснаар 35 настай эмэгтэй өнгөрөгч бямба гарагийн өглөө экс найз залуугийндаа “зочлохоор” хаалгыг нь тогшсон боловч хаалгаа нээгээгүй байна. Тэгээд тэр дээвэр рүү авирч, хувцсаа тайлан яндангаар дамжин гэрт орохоор доошилсон ч гацжээ. Оройн 5 цагийн үед түүний хуучин найз залуу Тони Хернандезийг гэртээ ирэхэд яндан дотроос нь тусламж хүсэн уйлах эмэгтэй хүний дуу сонсогдсон байна. Тийнхүү тэрбээр гал сөнөөгчдийг дууджээ.

Дуудлагаар ирсэн гал сөнөөгчид “Эхлээд түүнийг татаж гаргах гэсэн боловч тэр хаашаа ч хөдлөх боломжгүй гацсан байсан. Тиймээс пийшинг нураахаас өөр арга байсангүй. Үнэндээ түүнийг аврах маш хэцүү байлаа” гэж ярьсан байна.