Тэрүнофүжи Г.Ган-Эрдэнэ том цолтнуудыг дараалан яллаа

Шуурхай:

Тэрүнофүжи Г.Ган-Эрдэнэ том цолтнуудыг дараалан яллаа

2015-01-14 10:15:11

Японы мэргэжлийн сүмогийн нэгдүгээр сарын тэмцээн Токио хотын “Кокүгикан” спортын ордонд өнөөдөр дөрөв дэх өдрөө үргэлжилнэ. Сүмо сонирхогчдын анхаарлыг хамгийн их татаж буй “Хацү” башё эхлээд гурав хонож байгаа ч ёкозүна, озэки цолтнуудаас гадна маэгаширагийн хоёроос барилдаж буй Тэрүнофүжи Г.Ган-Эрдэнэ башёг сонирхолтой болгож байна. Тэрээр эхний өдрүүдэд гурван япон арслантай таарсан ч озэки Гоэйдо, Кисэносато нарыг дараалан ялаад байна. Тэрүнофүжи тэмцээний хоёр дахь өдөр буюу даваа гарагт озэки Гоэйдог давсан бол өчигдөр озэки Кисэносатог дайрахад нь дагуулж мушгиад дэвжээнээс гаргаж, яллаа. Тэрээр эхний өдөр буюу өнгөрөгч ням гарагт озэки Котошёогикүд ялагдсан ч озэки Гоэйдо, Кисэносато нарыг дараалан ялж, энэ башёд бяртай байгаагаа харуулж байна.

Тэмцээний гурав дахь өдөр ёкозүна Хакүхо М.Даваажаргал, Какүрюү М.Ананд, Харүмафүжи Д.Бямбадорж нар учраа бөхөө давсан юм. Мөн энэ өдөр Эндо, Аминишики нарт унаад байсан сэкивакэ Ичиножёо А.Ичинноров сэкивакэ өөрийн гол өрсөлдөгч Аойямаг давснаар анхны даваагаа авлаа.

Монголын бөхчүүдээс: /3 өдрийн дараах байдлаар/
Ёкозүна Хакүхо М.Даваажаргал 3-0
Ёкозүна Харүмафүжи Д.Бямбадорж 3-0
Ёкозүна Какүрюү М.Ананд 2-1
Сэкивакэ Ичиножёо А.Ичинноров 1-2
М-2 Тэрүнофүжи Г.Ган-Эрдэнэ 2-1
М-7 Кёкүтэнхо Н.Цэвэгням 1-2
М-9 Тамаваши Б.Мөнх-Оргил 2-1
М-12 Кёкүшюүхо Т.Эрдэнэбаатар 1-2
M-13 Араваши Э.Дөлгөөн 3-0
M-13 Токитэнкү А.Хүчитбаатар 2-1

Жюүрёо:
Зүүний 2 Асасэкирюү Б.Дашням 1-2
Барууны 4 Таканоива А.Баасандорж 0-3
3-5 Шёотэнро Д.Нямсүрэн 0-3
3-9 Сэйро А.Өнөболд 1-2
3-12 Азүмарюү С.Тодбилэг 3-0
3-14 Сакигакэ Я.Баттүшиг 1-2 гэсэн амжилтай явна.

Мөн макүшитад Гочёозан Д.Ууганбаатар, Рюүонами Б.Буянжаргал, Чиёошима Г.Мөнхсайхан, Дайшёохи Р.Шижирбаяр, Сэншёо Э.Баярбат болон санданмэд Дайонами Б.Ууганбаатар, Аратоши В.Цэрэндорж, Такакасүга Э.Энхманлай, Садахикари Д.Наранцогт нарын сүмочид барилдаж байна.

Нийтэлсэн: Б.Батхолбоо

	Тэрүнофүжи Г.Ган-Эрдэнэ том цолтнуудыг дараалан яллаа
Үзсэн: 970	Mongolian National Broadcaster

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.