Хүйтний эрч эрс чангарч, цасан шуурга шуурч зам хааг­даж болзошгүй тул онцын шаард­лагагүй тохиолдолд замд гарахаа түр хойшлуулахыг жо­лооч, зорчигч нарт ЗТБХБЯ-наас зөвлөж байна.
Мөн хөдөө орон нутгийн замд хөдөлгөөнд оролцож байгаа тээврийн хэрэгслийн жолооч, зорчигч нар хувийн бэлтгэлээ сайтар ханган дулаан хувцас өм­сөж, тээврийн хэрэгслийн бүрэн бүтэн байдлын шаардлагыг хан­ган, шатах, тослох материалаа хүрэлцэхүйц хэмжээгээр нөө­цөлж,  хальтиргаа, гулгаатай замд тээврийн хэрэгслийн хур­даа тохируулж, анхаарал болгоомж­­той явахыг анхаарууллаа. Хөдөө­гийн замд хөдөлгөөнд оролцож яваа тээврийн хэрэгслүүд замын нөх­­цөл хүндэрсэн үед аюулгүй байдлыг хангах үүднээс суурин газарт түр хугацаагаар саатаж салхи шуурга намжсан тохиол­долд хөдөлгөөнөө үргэлжлүүлэх шаардлагатай.
Зорчигч тээврийн үйлчилгээг тухайн орон нутгийн цаг агаа­рын нөхцөл байдалд тохируулан явуулах, шөнийн цагаар явуу­лахгүй байх, зам засвар, техник хэрэгсэл, хүн хүчний бэлэн байд­лыг хангаж, хаагдаж боогд­сон, хунгар үүссэн замыг яарал­тай цэвэрлэн, шуурхай арга хэм­жээ авч ажиллах талаар орон нут­гийн албадуудад үүрэг чиглэл хүр­гүүлээд байна.