Эрүүл мэндийн даатгалд энэ онд төлөх шимтгэлийн хэмжээг шинэчилсэн байна. Үүнд аж ахуйн нэгж, байгууллагын ажилтны сар тутам төлөх эрүүл мэндийн даатгалын шимтгэлийн хувь, хэмжээг түүний хөдөлмөрийн хөлс, түүнтэй адилтгах орлогын дөрвөн хувь байхаар тогтоожээ. Энэ нь өмнөхөөс өөрчлөгдөөгүй гэсэн үг. Харин төрөөс эрүүл мэндийн даатгалын шимтгэлийг хариуцдаг даатгуулагчийн шимтгэл 500 байсныг 670 төгрөг болгон нэмсэн. Мөн их, дээд сургууль, коллеж, мэргэжлийн сургалт үйлдвэрлэлийн төвийн өдрийн ангийн суралцагч, малчин, ял эдэлж байгаа хоригдол 500 төгрөг төлөх болсон. Гадаадын иргэн, харьяалалгүй хүний сарын хураамжийг 4000 төгрөгөөр тогтоожээ.