Нэгдсэн хуралдаанаар уг тогтоолын төслийн анхны хэлэлцүүлгийг хийх явцад тус байнгын хорооноос гаргасан зарчмын зөрүүтэй саналуудаар санал хурааж, олонхийн дэмжлэг авсан саналуудыг нэмж тусган эцсийн хэлэлцүүлэгт бэлтгүүлэхээр шилжүүлээд байсан юм. Эцсийн хэлэлцүүлэгтэй холбогдуулан санал гаргах гишүүн байгаагүй тул санал хураахад хуралдаанд оролцсон гишүүдийн олонх дэмжиж нэгдсэн хуралдаанд оруулахаар тогтлоо.

 

Дараа нь Засгийн газраас энэ сарын зургааны өдөр өргөн мэдүүлсэн “Өрийн удирдлагын тухай болон холбогдох бусад хуулийн төсөл”-ийн анхны хэлэлцүүлгийг хийх байсан ч ажлын хэсгийн ахлагч Л.Эрдэнэчимэг гишүүн дээрх хуулийн төслийн талаар УИХ дахь МАН-ын бүлгийн шийдвэр гараагүй байгаа тул ажлын хэсэг хуралдах боломжгүй болоод байна. Иймээс МАН-ын бүлгийн шийдвэрийг гартал уг асуудлыг хэлэлцэхийг хойшлуулах саналтай байгаа тухай хурал даргалагчид хэлэв. Тус байнгын хорооны дарга Б.Болор хуралдаан хойшлуулах саналыг хүлээн авч энэ удаагийн хуралдааныг өндөрлүүллээ.