-Фракц биш санаачилга. Учир нь ардчиллын үнэт зүйлсийг түгээн дэлгэрүүлэх, Ардчилсан нам болон Монголын төрийг ардчилсан зарчмаар улс орноо удирддаг, Монголын иргэд ардчилсан нийгэмд амьдрах тэр бололцоо боломжийг бүрдүүлэхийн төлөө 1990 онд ялсан Ардчилсан хувьсгалын үзэл баримтлалыг түгээн дэлгэрүүлэх, нийгэмд сурталчлах, тэр зарчмаар бүх шийдвэрүүд гардаг байхад бид туслалцаа дэмжлэг үзүүлж, нөлөөллийг хийдэг байхын тулд санаачилга байгуулсан. Санаачилга бол ямар нэг фракц шиг хэн нэгнийгээ дарга, сайд болгохын төлөө ч юм уу, хэн нэгнийхээ эрх ашгийн төлөө үйлчилдэг байгууллага биш. Бид мөн тодорхойлсон зарчмууд дээрээ нэгдээд, түүн дээр нэгдэж байгаа ямар ч хүмүүсийг элсэн орох боломжийг нээж байгаа.

 

-Намын удирдах зөвлөл, Гүйцэтгэх зөвлөлийн гишүүд, ҮЗХ-ны гишүүд, УИХ-ын гишүүдийн зүгээс дэмжлэг авч байгаа. Бид Ардчилсан нам фракцгүй байх нь зүйтэй гэсэн саналыг нэлээд эрт дэвшүүлж, хэд хэдэн гишүүдэд санал тавьсан боловч фракцгүй болох асуудалд олон хүн нэгдэж чадахгүй байгаа юм. Тийм учраас фракцийг өөрчилж чадах зарчим дээр нэгдэж байгаа юм.

 

-АТГ ямар нэг хууль бус үйлдэл хийж байгаа бол УИХ энэ байгууллагыг томилдог учраас өөрсдөө хариуцлага хүлээх ёстой гэж бодож байна. Хэрэв УИХ-ын харьяа байгууллага ямар нэг хуулийн хүрээний бус үйлдэл хийж байгаа бол их хурал үүнийг нь засах ёстой. Яг өнөөдрийн нөхцөлд бол АТГ ингээд хууль бус үйлдэл хийлээ гэж УИХ ч юм уу, түүнээс гарсан ажлын хэсэг ч юм уу тогтоогоогүй байна. Шаардлагатай гэвэл бид энэ ажлыг зохион байгуулна. Тусгай хяналтын дэд хорооны даргын хувьд энэ асуудалд нэлээд анхаарч ажиллана.