Үндэсний телевиз
Цагийн хүрд
Найм арваннэг
Японы Токио хотноо ням гарагт буюу гуравдугаар сарын 1-нд болсон "Lake Biwa Marathon" уралдаанд Гавьяат тамирчин Б.Сэр-Од хүрэл медаль хүртлээ.
42 км 195 метр зайг Кенийн Самуэль Ндунгу 2.09.08 цагийн амжилтаар туулж түрүүлсэн бол Италийн Даниэлэ Меуччи хоёрдугаар байрт орж, Б.Сэр-Од Италийн тамирчнаас 8 секундын хойно буюу 2.11.18 цагт бариалжээ. Японы тамирчдаас дөрвөн тамирчин топ аравт багтсан бөгөөд тэд 4-5, 8-10-р байрт орсон байна.
Гавьяат тамирчин Б.Сэр-Од Азийн марафон гүйлтийн аварга шалгаруулах тэмцээнээс 2013 алт, 2008 онд мөнгөн медаль хүртэж, манай улсын түүхэнд тивийн анхны медалийг авчирч байсан. Мөн тэрээр 2014 онд БНСУ-ын Инчён хотноо болсон Азийн их наадмын марафонд IV байр, хамгийн сүүлд “Фүкоко"-гийн марафоноос хүрэл медаль хүртээд байгаа юм.
Б.Сэр-Од марафоны дэлхийн аварга шалгаруулах тэмцээнд 2003 оноос долоон удаа, 2004, 2008, 2012 оны олимпийн их наадамд эх орноо төлөөлөн оролцсон юм. Тэрээр 2014 оноос Япон улсад бэлтгэл сургуулилалтаа хийж байна.
| Б.Сэр-Од хүрэл медаль хүртжээ | ||
| Үзсэн: 1028 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.