Волейболын идэрчүүдийн нийслэлийн бүсийн аварга шалгаруулах тэмцээн гуравдугаар сарын 22-24-ний өдрүүдэд “Хилчин” спорт хорооны зааланд болж өндөрлөлөө. Тэмцээнд хөвгүүдийн ес, охидын найман багийн 205 тамирчин  өрсөлдөв. Мөн тэмцээнийг Волейболын холбооны найман шүүгч шүүсэн байна.

Тус тэмцээн Олон улсын волейболын холбооны шинэ дүрмийг туршсанаараа онцлог боллоо. Ангилал бүрийн эхний дөрвөн байрт шалгарсан багууд Улсын аварга шалгаруулах тэмцээний шигшээд оролцох эрхийг авсан юм.

Тэмцээний дүн:

/Хөвгүүдийн 9 есөн баг/

I байрт: ОУХМ Д.Солонгос дасгалжуулагчтай, Б.Баярсайхан ахлагчтай ”Хасу Мега старс” баг.
II байрт: Спортын мастер Д.Эрдэнэчулуун дасгалжуулагчтай, Б.Эрдэнэцог ахлагчтай Багануур дүүргийн баг.
III байрт: Ариунтуяа дасгалжуулагчтай, Б.Амартүвшин ахлагчтай Сүхбаатар дүүргийн 45-р сургууль.
IV байрт: О.Соронзонболд дасгалжуулагчтай, Б.Амартүвшин ахлагчтай Баянгол дүүргийн 20-р сургууль.

/Охидын найман баг/

I байрт: С.Дэлгэрмаа дасгалжуулагчтай, Г.Нарантунгалаг ахлагчтай Хил хамгаалах ерөнхий газрын “Хилчин” баг.
II байрт: Спортын дэд мастер Д.Өлзийхутаг дасгалжуулагчтай, Ч.Ганчимэг ахлагчтай Баянзүрх дүүргийн 21-р сургуулийн баг.
III байрт: Ж.Батболор дасгалжуулагчтай, А.Хажидмаа ахлагчтай Чингэлтэй дүүргийн 5-р сургуулийн баг.
IV байрт: Спортын мастер Д.Эрдэнэчулуун дасгалжуулагчтай, Ц.Саранцэцэг ахлагчтай Багануур дүүргийн баг тус тус шалгарлаа.