-Энэ чуулган дээр ихэвчлэн Монголчууд ирж асуудлаа нээлттэй ил тод ярилцаж байгаа харагдаж байна. Гадаадын хөрөнгө оруулагч нарыг ийм чуулганар шууд татах нь юу бол гэсэн эргэлзээ байна. Яагаад гэвэл энд болж байгаа яриа, ярианы хэлбэр, хүмүүсийн асуудлыг авч хэлэлцэж байгаа байдал нь гарц гаргалгаатай, итгэл найдвар төрүүлсэн ирээдүй рүү харсан зүйл байхгүй харин байгаа асуудал, бухимдлаа ярьж байгаа болохоор хөндлөнгөөс харж байгаа хүнд толгой нь эргэсэн байдалтай харагдаад байна. Тийм болохоор энэ хүмүүс өөрсдийнхөө асуудлыг хэлэлцэж шийдэж чадаагүй юм бол би ийшээ орж ирээд яах вэ гэсэн байдалтай харагдаж байна. Энэ фоурм бол асуудлаа ярьж зүг чигээ гаргаж байгаа учраас хэрэгтэй. Энэ удаагийн форумаас хөрөнгө оруулалтыг татаад итгэл найдвар төрөөд, төр засгаас яг ингэх гэж байгаа юм гэсэн зүг чиг сайн харагдахгүй байна.

 

-Бид хөрөнгө оруулагчид бол мөнгө өгөөд, ашгаа аваад гардаг гэдэг энгийн ойлголтоор хандаад байгаа юм. Хөрөнгө оруулагчид юу хардаг талаар зарим хөгжилтэй орнуудаар жишээ аваад хэлэхэд, тэнд хийгдэж байгаа бүх зүйл нь өөрсдийнх нь төлөө л байдаг. Чанартай, өөрсдийнхөө төлөө хийж байгаа итгэл үнэмшил, эрмэлзэл нь бусдыг дагуулдаг. Энэ оронд очоод мөнгө хийхэд ямар ч байсан айлтгүй юм байна. Миний оруулж байгаа хөрөнгийг сайн ашиглах юм байна гэсэн итгэл найдвар байдаг. Харин манайх шиг бүх зүйлд сул хандаж байвал хөрөнгө оруулагчид төдийлөн татагдахгүй. Орж ирсэн нь зүгээр нэг өндөр ашигтай, өндөр эрсдэлтэй уул уурхайн нэг том орд олоод тэрийгээ бирж дээр гаргаад мөнгөө олж авдаг тийм л хөрөнгө оруулагчид ирж байгаа. Тэгэхээс биш үйлчилгээний салбарт, боловсролын салбарт бидэнд хэрэгтэй хөрөнгө оруулагчид төдийлөн орж ирэхгүй. Тэгэхээр бид эхлээд дотроо сайн учраа олох хэрэгтэй.

 

 

-Эдийн засгийн өнөөгийн тогтворгүй байдлын гол шалтгаан нь УИХ-ын гишүүд өөрсдөө сайн ажиллаж чадахгүй байна. Авлигыг ид цэцэглүүлж байгаа гол хүч нь бизнесмэнүүд биш гишүүд юм. Бизнесменүүд ажлаа хийх гээд яах аргагүй тэдний нэхсэн мөнгийг өгдөг эцэст нь өөрөө шоронд ордог.

Алсдаа бид үүнийг зогсоож байж хөгжинө. Хувийн бизнесмэнүүдэд буюу иргэнд халдахгүй байх дархан эрх нь хаана байгаа юм. Гишүүд өөрийгөө хамгаалалтад авчихаад яваад л байдаг. Хууль нь хүнээ өмөөрөхгүй байгаа учир энэ бүхнийг арилгаж байж улс орон маань хөгжинө. Би буруу газар ганцаараа ирчихсэн юм шиг санагдлаа. Бусад маань адил юм ярьж байхад би ганцаараа тэс өөр зүйл ярьчихлаа.

-Надад шалгуулаад байх юм байхгүй.

 

 

-Биднийг нэгтгэж байгаа нэг зорилго бий. Бид өнөөдөр итгэлцэж байж л цааш улам хөгжих гарцыг олох юм. Алсын хараагаа харж, эмх цэгц, ёс зүйтэй явах хэрэгтэй. Ингэхийн тулд нөгөө л зорилго чухал болчихоод байна. Бид одоо зорилгоо тодорхой болгох хэрэгтэй байна. Үнэхээр бидэнд хамтын зорилго дутмаг байгаа нь харагдаж байна. 

 

Эдийн засгийн чуулган салбар хуралдаануудаар үргэлжилж байна.