Дөрөвдүгээр сарын 8-ны өдрийн өдөр тутмын сонинуудын онцлох мэдээ, материалын тоймыг хүргэж байна.

“Өнөөдөр” сонины энэ өдрийн дугаарт “Дэлхий дээр жилд хоёр сая хүн хоол хүнснээс болж амиа алддаг”, “З.Энхболдын “Пхеньян ба улаан тарианы улс төр”, “Түлэнхийн сорвийг ойрын 10 жилдээ монголд эмчилж дөнгөхгүй”, “Хаан хор хүнцлээр Дорнодын хөрс бохирдсон түүх” зэргийг онцолжээ.

“Өдрийн сонин”-ы өнөөдрийн дугаараас “Олон улсын жишигт нийцсэн алжаал тайлах цогцолбор төв нээгджээ”, “Хурдны замыг Майдар хотоор дайруулах гэнэтийн санал хөрөнгө оруулагчдад нь хүлээлт үүсгээд байна”, “Монгол Улсын Ерөнхий сайд асан Д.Содном: Завшсан хөрөнгөө төрд тушаагаад ногоон зүлгэн дээрээ гэрээ бариад тайван амьдарцгаа” зэргийг унших боломжтой.

“Үндэсний шуудан” сониноос “Шинхуа” буцаж, “Сүмитомо” УИХ-д найдлага тавив”, “Энгийн шударга гэмт хэрэгтэн” зэргийг уншиж болно.

“Ардчилал” сонины өнөөдрийн дугаараас “З.Энхболд: Өнөөдрөөс “Фракцгүй” Ардчилсан нам болж байгааг мэдэгдэж байна”, “Олон намын тогтолцоог түүчээлсэн АН-ын 25 жилийн ой тохиолоо”, “С.Эрдэнэ: Олон хүний амьдрал, хувь заяа үнэ цэнэтэй бүхнээр Ардчилсан хувьсгал бүтсэн” зэргийг уншаарай.