Бор-Өндөрийн уулын баяжуулах үйлдвэрийн үйл ажиллагаа таван сарын турш зогсоод байсан билээ. Үйлдвэрийн жоншны баяжмалын борлуулалт муудснаас ийнхүү зогсоход хүрсэн юм. Харин энэ сард тус үйлдвэр үйл ажиллагаагаа явуулж эхэлсэн байна. Үйлдвэрт шинэ тоног төхөөрөмж болон төмрийн хүдэр боловсруулах шугам суурилуулсан гэж үйлдвэрийнхэн ярьж байлаа. Ингэснээр тус үйлдвэр сард 40 мянган тонн хүдэр боловсруулахын дээр 20 гаруй мянган тонн баяжмал гарган авах хүчин чадалтай болсон гэлээ. Боловсруулсан төмрийн хүдэр, жонш зэргийг АНУ,БНХАУ-ын зах зээлд нийлүүлэх юм байна. Төмрийн хүдрийн баталгаат нөөцийг 18 сая тонн гэж үйлдвэрийнхэн тооцоолж байгаа ажээ.