Түүний талаар багийн эзэн Фритц ван Амерсворт "Мэдээж хэрэг, түүний аав нь долоон удаагийн дэлхийн аварга гэдгийг бид мэднэ. Гэхдээ би Микийг чадварлаг болохын тулд цаг хугацаа хэрэгтэй болно гэдгийг онцлон хэлэхийг хүсч байна” гэжээ.

Мөн түүний талаар өнгөрөгч гуравдугаар сард туршилтын гарааны үеэр 160 км/цагийн хурдтай давхихдаа осолдсон ч азаар бэртэл гэмтэл бага авсан тухай мэдээлэл гарч байсан. Энэ үед тэрбээр улирлын эхний үе шат болох Германы "Oschersleben"-д дөрөвдүгээр сарын 25-26-нд зохион байгуулагдах гараанд бэлдэж байжээ.

"Формула-4" нь шатлалын хувьд мотоспортын төрлийн доод түвшний авто уралдааны нийтлэг нэр томьёо юм. Микийн аав Михаэль Шумахер "Формула-1"-д ялалтын 91 бүртгэлийг хийлгэсэн.

Нэг улиралд 13 ялалт хүртсэн, дараалан хамгийн хурдан буюу 77 тойрог хийсэн гэх мэт агуу амжилт үзүүлсэн домогт нисгэгч юм. Харамсалтай нь тэрбээр уулын цанаар гулгаж байгаад унаж тархины хүнд гэмтэл авсны улмаас Швейцарьт нөхөн сэргээх эмчилгээ хийлгэж байгаа билээ.