Энэ  оны дөрөвдүгээр сарын байдлаар гадаадын 13 оронд манай улсын 103 иргэн ял эдэлж байгаа аж. Үүнээс БНХАУ-ын Зэ Жиан мужийн Ханжоу хотын Эмэгтэйүүдийн хорих газар хар тамхины хэргээр хоригдож байсан Монгол Улсын иргэнийг Монгол Улс, БНХАУ-ын хооронд байгуулсан ялтан солилцох гэрээний дагуу нэгдүгээр сард дотоодын холбогдох байгууллагатай хамтран эх оронд нь шилжүүлэн авчрах ажлыг зохион байгуулсан бөгөөд 2015 онд багтаан БНХАУ-д ял эдэлж буй гурав, БНСУ-д ял эдэлж буй хоёр монгол иргэнийг ялтан шилжүүлэх хэлэлцээрийн дагуу эх оронд нь шилжүүлэн авчрахаар ажиллаж байгаа гэдгийг мэдэгдлээ. Мөн оны эхний дөрвөн сарын байдлаар хилийн чинадад 33 иргэн нас баржээ.

 

Дээрхээс гадна өнгөрөгч 2014 онд Хууль зүйн яам, Улсын ерөнхий прокурорын газар, Иргэний харьяалал, шилжилт хөдөлгөөний ерөнхий газар, Шүүхийн шийдвэр гүйцэтгэх ерөнхий газар, Тахарын ерөнхий газар болон холбогдох Дипломат төлөөлөгчийн газартай хамтран Бүгд Найрамдах Чех Улсад ял эдэлж байсан нэг, Бүгд Найрамдах Солонгос Улсад ял эдэлж байсан хоёр, Бүгд Найрамдах Казахстан Улсад эдэлж байсан хоёр иргэнийг шилжүүлэн авах ажлыг хэрэгжүүлжээ.