Энэ талаар Д.Сумъяабазар гишүүн "Нэг метр кв газрыг 70-80 мянган төгрөгөөр үнэлж байгаа нь үл ойлголцлын шалтгаан болж байгаа юм байна. Үүнийг ам.долларт шилжүүлэхэд 30-37 доллар болж байгаа юм. Гэр хорооллын 0.7 га газруудыг жижиг кв.метртэй байраар солих нь ажлын явцыг хүндрүүлж байна. Энэ нь 17-20 гаруй кв.метр байраар газраа солих нь иргэдийн бухамдлыг төрүүлж байгаа юм байна. Тухайлбал, Хан-Уул дүүргийн нэхмэлийн шарын байруудад дахин төлөвлөлт хийх компанийг иргэд хууль бус гэж үзэж байгаа юм байна. Өчигдөр Хан-Уул дүүрэг дээр ажиллахад иргэд энэ асуудлыг хүчтэй ярьж, холбогдох хүмүүст нь дуулгаж өгөхийг хүссэн. Дахин төлөвлөх байршлаа бүрэн чөлөөлж чадалгүй 1-2 айлын хашааг чөлөөлж, нүх ухаад хундаам цутгасан байдал нийслэлийн дахин төлөвлөлтийн 24 байршлын 90 хувь дээр нь байна. Хөрөнгө оруулагчид Монгол Улсын барилгын норм, дүрэм стандарт, хөгжлийн тушаа болж байна гэж үзэж буйгаа хэлсэн. Иргэдийн дунд дахин төлөвлөлт маш их хүлээлт бий болгосон байна. Сүүлийн 2-3 жилийн хугацаанд хашаа, байшингаа эргэлтэд оруулах, засвар үйлчилгээ хийх боломж нөхцөл нь зогссон байгаа юм байна. Ялангуяа төвийн байршлууд дээр иргэд өөрийн хүсэлтийн дагуу орон сууц авах эс бол өөрсдийн хаус хорооллоо барих хүсэлтээ илэрхийлж байгаа юм билээ" гэсэн юм.

-Гишүүдэд болон манай бүлэгт энэ талаар мэдээлэл ирээгүй байна. Байр суурь бол тодорхой байгаа. 2.1 сая иргэний эзэмшдэг 1072 ширхэг хувьцаанд оногдох ноогдол ашгийг иргэд маань хүртэж байх шаардлагыг МАН-ын бүлгийн зүгээс удаа дараа тавьж байгаа. Хоёрдугаарт, Монгол Улсын хууль тогтоомж, үүн дотроо татвартай холбоотой хууль тогтоомжийн дагуу энэ асуудал шийдэгдэнэ. Мэдээлэл орж ирмэгц энэ асуудлын талаар өмнө нь судлаж байсан ажлын хэсэгтэй ярилцаж байгаад тодорхой байр суурь гаргах байх.

 

-Хаврын чуулганы нээлтэн дээр УИХ-ын дарга тухайн өдрийн өглөө Гадаад хэргийн яам болон Хууль зүйн яаман дээр тухайн гэрээний төсөл хэлбэрийг татаж тодорхой байр сууриа илэрхийлсэн байгаа. Энэ асуудлыг УИХ-аар хэлэлцэх нь зүйтэй гэсэн шийдвэр гарсан боловч өнөөдрийг хүртэл их хуралд энэ асуудлыг өргөн бариагүй байна. Тэгэхээр тухайн үед гэрээний төсөл бэлэн болчихсон байсан юм бол яагаад өнөөдрийг хүртэл өргөн баригдаж тараагдахгүй цаг хугацаа алдаад байгаа юм бэ. Энэ гэрээний төслийг орж ирмэгц хаврын чуулганы нээлтийн өглөө байсан гэрээ одоо орж ирэх гэрээ хоёрыг харьцуулж үзэх шаардлагатай. Яагаад ингэж цаг хугацаа алдаад байгаа нь гайхширал төрүүлээд байна. Тэр өдөр нь л өргөн барьчихаж болох байсан шүү дээ. Тэгэхээр гэрээний хоёр загвар явж байж болох юм.

 

-Тавантолгойн гэрээтэй холбоотой асуудал бүлгийн хурал дээр орж ирж яригдаагүй. Тэгэхээр яригдаагүй учраас санал асуулга бол явагдаагүй. Хоёр хуваагдлаа гэдэг бол ташаа мэдээлэл байна.

 

-Ард нийтийн дунд санал асуулга явуулах тогтоолын төслийг өргөн бариад 10 хонож байна. Засгийн газраас хараахан хариу өгөөгүй байна. Хуулийн хугацаа дуусаагүй байгаа. Гэхдээ заавал хуулийн хугацааг дуустал хүлээх ёстой юу гэдэг талаар өнөөдөр МАН-ын дарга М.Энхболд асууж лавлана. Ардчилсан намын дарга З.Энхболд сэтгүүлчидтэй хийсэн зангиагүй уулзалтын үеэр энэ бол ард түмний хүсэл зорилгод нийцэхгүй гэсэн байр суурийг илэрхийлж байна лээ. Гэхдээ энэ талаар Засгийн газарт тодорхой байр суурийг илэрхийлж, шаардаж ажиллах болно. МАН ард нийтийн санал асуулгын хуулийн төслөө буцааж татлаа гэсэн яриа яваад байсан. Бид хэзээ ч энэ хуулийн төслөө буцаан татаж аваагүй. Харин ч холбогдох арга хэмжээг авч ажиллана.

 

-Энэ ажлын хэсэгт МАН-ын бүлгийн зүгээс УИХ-ын нэр бүхий таван гишүүн орсон байгаа.  Бүлгийн дарга С.Бямбацогт, О.Содбилэг, Су.Ботболд, Д.Оюунхорол, Ө.Энхтүвшин нар багтсан.