АНУ-ын Ерөнхийлөгч Барак Обама, БНАСАУ-ын Ерөнхийлөгч Ким Чен Ун нарын хамтран дуулж буй бичлэг Youtube сайтад тавигдаж, энэхүү бичлэгийг 6 сая 541 мянга 975 хүн үзсэн байна. Хамгийн гол нь энэхүү бичлэг дээрх хүмүүс эрхэм ерөнхийлөгчидтэй дэндүү адилхан, орлон тоглогчид бөгөөд нэгэн онлайн дэлгүүрийн сурталчилгаанд тоглож буй нь энэ аж.

Гэхдээ дэлхийн олон хүн бичлэг дээрх орлон тоглогчдыг “Яг л жинхэнэ юм шиг” хэмээн хүлээн авч байгаа бөгөөд онлайн дэлгүүрийн сайтад байршсан сурталчилгааг 144 мянга гаруй хүн шэйрлэсэн байна. Томоохон удирдагчдыг сурталчилгааныхаа бай болгосноос хойш тус онлайн дэлгүүрийн борлуулалт эрс өссөн аж.