“Барселона-92” олимпийн наадамд оролцогч, Францын дугуйн клубт уралдсан анхны алтан хараацайнуудын нэг Зундуйн Наран өдгөө Бельгийн алдарт дугуйч Э.Мьюйстэй хамтран “Snow Leopard” (Ирвэс) клубийг байгуулан ажиллаж байна. Тус клубт Монголын авьяаслаг залуу “төмөр хүлэгтнүүд” хүчин зүтгэж, “cyclo-cross” буюу дугуйн бартаат замын уралдаанд оролцдог юм байна. Монгол аавтай, литва ээжтэй З.Наран  Литва улсад хүрэлцэн ирж, Вильнюс хотод дугуйн ханан тойргийн төрлөөр 2-3 монгол тамирчныг бэлтгэх асуудлаар Балтийн тэнгисийн мэргэжил нэгт нөхдүүдтэйгээ хэлэлцсэн гэнэ.