Нийслэлийн Иргэдийн Төлөөлөгчдийн Хурлын 2013 оны 3/31-р тогтоолоор батлагдсан “Гэр хорооллын дахин төлөвлөлтийн үйл ажиллагааны журам”-ын дагуу Заг компани нийслэлийн СБД-ийн 9-12 дугаар хорооны нутаг дэвсгэрт төсөл хэрэгжүүлэгчээр шалгарсан. Хэрэгжүүлэгч компани энэ сарын 05-ны өдрөөс дахин төлөвлөлтийн “Z” төслийн нэгдүгээр ээлжийн ажлаа барилгын шав тавих ёслолоор эхэллээ. Энэ газар өмнө нь  20 гаруй барилгын материалын дэлгүүр ажиллаж байсан бөгөөд “Заг” компани худалдаа эрхлэгч иргэдтэй 100 хувь харилцан тохиролцжээ. Тохиролцооны хүрээнд худалдаа эрхлэгчид шинээр баригдах барилгын худалдаа үйлчилгээ офиссийн зориулалттай өргөтгөлийн хэсэгт талбай эзэмших гэнэ. Харин одоогоор тэдэнд түр худалдаа үйлчилгээгээ явуулах цэгийг байгуулж өгсөн байна.  Заг компаний “Z” блокоос бусад дахин төлөвлөлтийг хэрэгжүүлэх хэсгүүд дээр газар өмчлөгч, эзэмшигч, ашиглагч иргэдтэй 2 талт гэрээ байгуулах ажил ч амжилттай байна.