Дани улсын нийслэл Копенхагенийн "Давидийн цуглуулга" Исламын соёлын музейд XIII-XIV зууны Их Монгол Улсын үед холбогдох Хүлүгэ хааны газар нутгаас олдсон монгол дээл байдаг. Олон зуун жилийн цагийн хүрдэнд элэгдсэн ч бидний үетэй золгосон байна. 

Тус музей нь хэдийгээр монгол дээл гэж баталж чадаагүй байгаа ч дээлний ерөнхий загвар нь монгол дээлтэй, харин дээлийн хээ, угалз нь зарим талаараа Дундад Азийн соёлын хэв маягтай байгаа учир эргэлзээтэй байгаа тухай тайлбарлалаа. Торгоны эдэлгээ нь маш ихээр алдагдсан тул хурц гэрлээс хамгаалж, тус музейн маш бүдэг гэрэлтэй, харанхуй шахам зааланд шилэн хоргонд тавьсан учир үзүүлэнг тоймтой харах боломж маш бага байдаг ажээ.